- Kujdes dhe ruaju nga mallkimi i historisë Se gjaku i dëshmorëve nuk bëhet ujë - Kujdes se mallkimi të zënë edhe në fëmijë Ngase e zeza nuk bëhet e bardhë kurrë
- Dje me entuziazëm betoheshe në UÇK-në Amanetin e Adem Jasharit ta bëje realitet - Kurse sot me politikën tënde lirinë po e vret Kriminelet dhe keqëbërisit i amnistove me dekret
- Dje u betove në flamurin e Skënderbeut I pathyeshëm në kazamate e në çdo barrikadë - Tani mohove ngjyrën dhe këngën e mëmëdheut Ndaj popullit me pushtet absolut e me shamatë
- Dje me një qëndrim burrëror e faqendritur Trim sypatrembur ndaj armikut shekullor - Tashti pse kaç zvarranik e servil i çoroditur burokrat e i harlisur ndaj popullit skamnor
- Dje ishe për drejtësi e barazi shoqërore Gojëmbël e i dashur me sjallje shembullore - Tashti milioner e me një pasuri përrallore Dredharak përfitues e matrapaz politik prore
- Këtë kohë të brishtë që po e përjetojmë Nga ju e kemi o renegatë të të gjitha ngjyrave - Po mos harroni se edhe ligjet e natyrës veprojnë E do ju hedhin në koshat e historitë më të ndyra
