Në Zhegër perurohet shkolla me emrin e heroit AGIM RAMADANI

Në Zhegër u përurua shkolla që mban emrin e heroit 

Agim Ramadani

 

Në ditën e tretë të manifestimit tradicional kulturor "Ditët e Agimit", banorët e Zhegrës së Gjilanit kanë shënuar tri festa të mëdha: Ditën e shkollës, ditëlindjen e heroit Agim Ramadani dhe përurimin e objektit të ri të shkollës, e cila mban emrin e heroit.

Agim Ramadani

Për të shënuar këtë ditë të veçantë, nxënësit e shkollës fillore, kishin përgatitur edhe një program të pasur artistik me recitime, këngë e valle.

Kryetari i Komunës së Gjilanit, Qemajl Mustafa, theksoi rëndësinë që kishte dikur kjo shkollë për lirinë e Kosovës dhe rëndësinë që ka tani për shtetndërtimin e saj. "Me angazhim, unitet dhe punë të mira, më së miri i nderojmë dëshmorët", tha ai.

Ndërtimi i objektit të shkollës fillore në Zhegër, që mban emrin Agim Ramadani, është investim i MASHT-it dhe ndërtimi i saj ka kushtuar rreth 1 milion e 125 mijë euro. Objekti përmban këto hapësira: 17 dhoma mësimi, 2 dhoma për parashkollorë, 1 kabinet të muzikës, 3 laboratorë, bibliotekën, 3 zyra administrate dhe sallën e arsimtarëve. Puna në këtë objekt të ri pritet të fillojë më 1 shtator të këtij viti, pra me fillimin e vitit të ri shkollor.

Agim Ramadani

Lavdi perjete deshmorit, Agim Ramadani dhe te gjithe deshmoreve te kombit shqiptar